«Marcos del Torniello» ye l'alcuñu de Xosé Manuel García González, ún de los poetes populares qu'algamó mayor sonadía. Naciera n'Avilés en 1853 nuna familia humilde, llogrando facer estudios de Drechu y exerciendo como maestru bona parte de la so vida. Foi un cronista fiel y festivu de la vida avilesina y asturiana del primer terciu del sieglu XX. Morrió, ente la reconocencia pública, n'Avilés, en 1938. Nesti primer volume atropamos los cuatro llibros qu'elli mesmu iguó: Tambor y Gaita (poesía, 1904), la obra de teatru La Esfoyeta (1906), el monólogu Colasón de Patagorda ó ¿En qué Falto yo á Daquián? (1918) y per últimu Orbayos de la Quintana (1925), el segundu llibru de poemes.
|
