978-84-8053-246-4 Título
Un mes.  
Autores Piñan, Berta           
Editorial Trabe  Nº edición  Año  Ene/2004
Colección  Albera  Nº colección  21  Páginas  78 
 
Materias



Poesia en asturiano


Encuadernación  Rustica 
Largo  21  Ancho  14 
Idioma  Asturiano 
Estado
Agotado;Descatalogado
Agotado;Descatalogado
  P.V.P. 
 
   10,00
 
 
Reseña del libro
Como una suerte de diariu que recorre los díes d’un mes, los poemas que s’agrupen nesti llibru construin un itinerariu simbólicu, un viaxe íntimu y priváu que tien como fondu’l mapa de los conflictos humanos contemporanios. Ye ésti ensin duldes un llibru de madurez na trayectoria de l’autora, una poética qu’afonda en dellos de los temes yá presentes na so poesía anterior pero que tamién incorpora una pregunta sostenida sobre la condición humana.

Dende la esperiencia amorosa o la identificación cola naturaleza como puntos de partida asistimos a una poesía que participa del compromisu cola realidá más inmediata p’afondar nel raigañu de la soledá, nos orixes del desarraigu, nes fontes del desamparu. Asina, el drama de la inmigración a través de nomes y rostros que crucien un instante pel poema, la evocación d’un mundu rural que desaparez ente los güeyos asolaos de la memoria colectiva pero que más p’allá de cualaquier idealización preséntase tamién como inxustu y cruel o la constancia de que l’amor inclui necesariamente les cares del dolor, son dalgunos de los temes recurrentes. Siguiendo la tradición de la poesía europea, pero tamién de la poesía actual asturiana, los poemes d’Un mes son tamién un apueste pola sobriedá espresiva y el tonu contenidu, por esa imaxe depurada y desnuda onde los pequeños acontecimientos cotidianos conviértense en símbolu de la felicidá recuperada.

Berta Piñán nació en Cañu, Cangues d’Onís, en 1963. Hasta’l momentu tien publicaos tres llibros de poesía, Al abellu les besties (1985), Vida Privada (I Premiu «Teodoro Cuesta», 1991) y Temporada de pesca, 1998. En 1995 ganó el premiu «Trabe» de narraciones col llibru La tierra entero (traducíu en 1998 al castellán col títulu de Toda la tierra). Tamién ye autora del ensayu Notes de sociollingüística asturiana (1991) y coautora d’Al-faya (1989) y del cuentu infantil Lula, lulina. Amás de colaboraciones en diferentes publicaciones y proyectos colectivos, nos últimos años vien trabayando sobre teoría de la escritura nos talleres d’escritura creativa.

 
 
Bio-bibliografía del autor